帝京軒 - 春曉宴

食物：$$$$
環境：$$$$
服務：$$$$ 

眨下眼就過左農曆新年，約埋幾位朋友食餐開年飯，帝京是每年必去的地方之一。

與其煩惱吃什麼，索性叫套餐乾手淨腳，近期餐廳推出了春曉宴，就不作他選。

頭盤的三小味，蘿蔔餅煎得外層微脆，內裡有唔少蘿蔔絲。海參與龍爪菌就是吃其不同程度的口感，唯我覺得龍爪菌稍腍左少少。春筍爽甜無渣，點點的辣汁更能引起食慾。

接著來的，是澳洲鮑片、淮山、蝦干及露筍的組合，看各食材的長度均是差不多，就知師傅的嚴緊。鮑片爽而不韌，整味菜式香口，我會視之為帝京版本的小炒王，幾合我心的。

虎蝦菜式在帝京的套餐之中都是常設，大隻爽脆之出品，今次師傅將之配以白松露汁，都肯定會合拍。

馬友的擺盤有幾分西式，香脆無骨岩晒我，沾上師傅秘製，有少許像千島醬 (味道其實更複雜的汁醬)，個人覺得幾討好。

套餐當然附有菜蔬，竹笙、繡球菌和菠菜苗，清清地，濕濕地，是不錯的安排。

單尾通常都係麵或者飯，但呢張餐單有點特別，來的是薏仁小米泥鯭粥，暖胃可口，不知多少年沒有吃過泥鯭粥了。

吃完泥鯭粥，本就該到甜品環節，但席上有人好想食花膠，即來份砂窩蝦頭油乾煸花膠，師傅會係席前為大家炮製。花膠切條，口感爽脆，加上蝦頭油及蝦籽等，香氣自然四溢，無後悔追加這味菜式。

甜品是女士們喜愛的嗓寄生蛋茶，同埋燕窩蘭香草莓糕，尤其中意後者，士多啤梨味唔會假，糕點感覺清新，頂頭的那撮燕窩是錦上添花。

飽到上心口，開年飯一定要夠飽足的！

餐廳資料:
帝京軒
旺角太子道西193號帝京酒店3樓
26226161