食物：$$$$
環境：$$$$
服務：$$$1/2
相信大家對鐵皮屋名店多春茶室唔會陌生，只要你能忍受在熱到hihi的情況下用餐，佢既炭火烤既麵包，確是出色的。
再次踏足檳城，原來這老字號名店已開設了分店，入左舖，瞄下門口個餐牌，嘢食種類豐富了很多。
兩層高的店子，簡約之裝修，在檳城已經夠照。
晨早八點半便到來，成為店家首位客人，掌聲鼓勵下自己。不過其實好快已繼續有客人入座，看來新店的生意仍是不俗。
今時今日，去到世界那個角落，都是要自己掃QR
Code落單，呢度都唔例外。
看著煙霧騰騰的茶檔，來一杯拉茶是少不了，之後再慢慢決定吃什麼吧！
除了鐵皮屋時仍有賣的多士、running
eggs及椰漿飯等，竟然發現港式菠蘿包的蹤影，仲要除左原味外，還加插了不少新派配法，如夾埋韓式午餐肉，以及我們點的這款加入牛油果蓉的菠蘿包。
若要與香港一線水準的菠蘿包相比，還是差一點點的，但至少酥脆軟熟，配埋牛油果蓉，都算好食既。
再來的干撈雲吞麵，麵條爽身，沒惱人的鹼水味，雲吞只是豬肉餡，但都皮薄味道正常。看上去偏瘦，毫不起眼的叉燒，卻滿有肉香，總體說都唔錯。
香甜帶有茶香的拉茶，真是只有星馬才能嚐到。
臨走見到門口有包裝Kopi
O賣，即管帶兩包返香港延續馬來滋味。
餐廳資料:
多春茶室
37,Bishop Street, 10200 Georgetown
小聲說，我還是喜歡看著實體餐牌㨂食物。
回覆刪除我都係架
刪除