2023年1月23日 星期一

神燈海鮮酒家 - 過年要有魚蝦蟹



食物:$$$1/2
環境:$$$1/2
服務:$$$1/2 

過時過節,都係馬不停蹄地吃吃吃,其中一頓,正是去佐敦的神燈海鮮酒家開餐。

沒有豪華的裝潢,以實而不華的食物來贏取食客的掌聲。就是日所見,爆到七彩,諗住Walk in 是妄想。

費事傷腦筋,就要個兔氣揚眉魚蝦蟹套餐,加碟叉燒和半隻招牌黑松露燒鵝,炒碟菜,夠晒數。

以葫蘆盛著的三款小吃,分別是八爪魚、海蜇頭拼青瓜,以及金錢雞。

清爽的八爪魚,咬落爽脆,酸甜醒胃。海蜇頭又是不同程同的爽脆,結合醋香,與青瓜同樣好吃。

好耐沒吃金錢雞這懷舊菜色了,以叉燒、雞潤及冰肉組合而成的出品,咬落層次自當豐富,冰肉及雞潤帶出的甘香,實在誘人。但有番咁上下年紀既筆者,對住此等天堂級既美食,真的要適可而止,否則好快可以直奔天堂。

過年點都要有條靚魚既,清蒸杉斑,火侯控制恰到好處,肉質嫩滑。

蝦就不是白灼或豉油皇,而係充滿星洲風情的麥皮蝦。成品夠乾身,蝦肉彈牙,咸中滲出甜味,仲有滿滿牛油香,我喜歡。

魚蝦蟹之中的蟹,係糯米炒羔蟹。多羔,如果糯米飯可以炒得乾身一點,會好一些。

除左魚蝦蟹外,過時過節還要有雞。生炸黃油雞,色水靚,皮薄又香口,肉質結實而不嚡口,有水準。

愛吃香口嘢既我,食菜就梗係要香噴噴的啫啫芥蘭,貪佢爽脆惹味。

叉燒半肥瘦,入口仍是熱,又帶甜,絕對是大眾喜愛的口味,旁邊的幾粒漬蘿蔔,爽脆清新,有助解膩。

最後是半隻黑松露燒鵝。那黑漆漆的外皮絕不是燒過火,而是黑松露醬帶出來的效果。吃起來皮脆肉香,更帶出松露之香氣,係水準之作。個人認為不沾任何汁醬也好吃,但配來些少黑松露冰梅醬,又是另一番滋味。

食埋甜品既奶凍,以及桂花糕,又是一頓豐盛的開年飯。

未完未完,因為仲有美食魚蝦蟹既遊戲,大家可以金元寶下注心水圖案,若骰子圖案搖到你既圖案的話,則可以免費享用圖案相應之菜色,延續新年的好意頭。

雖然最終我哋揀唔中,不過已是笑聲笑聲滿載溫馨的一夜。


餐廳資料:
神燈海鮮酒家

沒有留言:

張貼留言