2022年12月14日 星期三

Kokoro Tokyo Mazesoba - 撈麵唯一



食物:$$$1/2
環境:$$$$
服務:$$$$ 

日式拉麵同埋沾麵就食得多,日式撈麵大家又食過未?

的確,呢類食店係香港少之有少,以我所知,灣仔的Kokoro Tokyo Mazesoba是唯一的選擇,因此,這店是在我的wish list良久。

有時就係咁,話去話去,結果講九世都未食,卻在無心插柳之下,來了。

喜歡吃明太子既我,見餐牌有明太子忌廉撈麵,雙眼發光,那就不作他選,先來一碗。

睇落都幾豐富的,生黃蛋是許多人的亮點,於我而言,主角是那堆明太子。

無論如何,第一步驟係將麵條與各式各樣的材料起勢咁撈,麵條被重重的醬汁及蛋黃包圍,感覺好Heavy,然而吃起來又比想像中清爽,加上明太子既咸香,倒是不錯。反而慢煮的叉燒粒,沒預期中鬆化。

按建議吃法,食到咁上下,放些少醋,添一份酸香,濃濃的感覺忽然變得清新。

由於撈麵唔錯,對餐牌中的另一項目,雞白湯拉麵又好有興趣,所以在某個晚上,再來光顧。

可惜事與願違,是晚的雞白湯拉麵售罄。左思右想,最後決定要碗迷你炸雞丼取代之。炸雞粒尚且鬆脆,內裡Juicy。中間有隻溫泉蛋,以蛋黃撈飯,味道衰極有限,所以呢份迷你丼,合格之作來的。

作為餃子控,吃罷迷你丼加份餃子,是自然不過的事。底煎得微脆,出品並不失禮。

之後沒刻意再來,能否嚐到這兒的雞白湯拉麵? 隨緣吧...


餐廳資料:
Kokoro Tokyo Mazesoba
灣仔軒尼詩道68號新禧大廈地下1C號舖
37516966



2 則留言:

  1. 如果食撈麵嘅話,我會想大口大口咁將啲麵咁爬入口,唔駛食餸。

    回覆刪除