2022年11月18日 星期五

The Pizza Pig - 開心時刻



食物:$$$1/2
環境:$$$$
服務:$$$$ 

一大班人食嘢,最岩唔係吃Buffet,而係吔Pizza。大家用手拎起一件又一件的薄餅,大大口齒落去,真正既開心時刻。

是夜同幾位朋友去食Pizza,當然唔係去某大連鎖店,目的地係荔枝角D2 Place二期新開的The Pizza Pig。

店名叫得做The Pizza Pig,除左薄餅之外,另一主角自然是豬,所以是晚都柯打左一系列豬既菜色。

先吃點小食作熱身,燒大蝦沙律,蝦是堅燒至香口彈牙,加埋沙律菜、芒果粒、牛油果粒等等,色彩配搭都靚。

餐牌上看見有肉丸,不其然想起某傢俬店的出品,這裡就多一份芝士香。

牛既斧頭扒食得多,豬斧頭扒卻甚少吃,但既然呢度係以豬做主打,又不妨一試。份量肯定唔嘢少,而且仲係厚身到一個點。以為咁厚身既豬扒實會好嚡口,吃起來還是可以,尤其近骨位必更精彩。味道方面,用了像辣肉腸的汁醬來調味,是有一定辣勁的,怕辣的朋友要留意。

豬手就好讚!同樣係有番咁上下份量,做到皮脆肉嫩,香口好食。旁邊的酸椰菜對某些朋友來說可有可無,不過我覺得吃德國咸豬手,酸椰菜是必須要的。

接著來,店員拿來兩個罐,無錯!主角的Pizza要登場了。30吋的薄餅,端上桌時又確實幾震撼既。可以揀兩款口味,我哋食既,係招牌既鬼馬豬意,與及什菇芝士。燈色呢邊係豬,味道不俗,亮點是加入了脆卜卜的炸豬皮。

另一款大概是為素食者而設,各式菇菌以及羽衣甘藍,味道沒想像中的寡。

提拉米蘇濕潤,不失咖啡酒香,是我喜歡的味道。

提拉米蘇以外,店員還極力推介呢款Banana Nutella Pizza。份量比想像中要大一些,香蕉與朱古力的組合肯定穩陣,整多球雪糕係面,甜的披薩甚至比咸的更吸引。


餐廳資料:
The Pizza Pig
荔枝角長順街15號D2 Place二期地下G02號舗
28061681

2 則留言: