2022年11月7日 星期一

帝京軒 - 我與大閘蟹之約



食物:$$$$
環境:$$$$
服務:$$$$ 

終於終於都可以十二人坐埋一枱,有人立即吹雞,來一局大閘蟹盛宴。

地點係熟悉的帝京軒,吃過N咁多遍,對呢度既食物水準,自然充滿信心。

收工過來,又係最遲一位到埗,見到大家又可以整整齊齊坐低食飯,心裡面真的很興奮,同時亦抱歉要各位等我一個。

龍宮 · 蟹皇盛宴套餐是大家來的主要目的,另外還單點了一份叉燒、羊腩煲,與及蜜椒蔥香桶蠔,肯肯定又是飽到要捧住個肚回去的一夜。又其實,每次來帝京軒,吃叉燒已是指定動作。

跟大多酒店一樣,用黑豚來做叉燒,肉質鬆化是必然事,再加上恰到好處的蜜味,呢份出品,我滿意。

跟住講下咩腩煲,黑草羊件件鬆化,連皮吃甚是精彩。要讚的是旁邊既腐乳,並不是死咸,令羊腩生色不少。

蜜椒蔥香桶蠔,用上美國桶蠔,身型自當龐大飽滿。肥美厚肉的桶蠔香噴噴,結合蜜椒汁的香甜,連同京蔥一吃放入咀巴,超好吃的說。

回到套餐項目,先是蝦多士,這裡採用的當然是虎蝦了。鬆脆加彈牙,本身就是蝦多士的精彩之處,再自行淋上蟹粉,好難會唔好食。

接著來的珊瑚元貝蟹粉鮮奶盞,其實單是炒鮮奶已是可以上大枱的項目,再配埋蟹粉去炒,頂頭整多隻帶子,鮮味更上層樓。

作為食肉獸既筆者,面對住震騰騰的東坡肉,是毫無抗拒能力。甘香既東坡肉沾上濃稠既醬汁,仲有甜梅菜,若不是要保留戰鬥力,我會叫碗香飯來伴之,食完走人。

重口味的肉食過後,師傅以花膠斑球來平衡一下。花膠不用我多說,斑球的口感亦好,清新鮮味又健康。

主角的大閘蟹此時要登場了。四兩半的蟹公,人人有份。蟹羔算是合格有餘,蟹爪鮮甜,沾些少蟹醋來吃,本年度的首隻大閘蟹,比預期中出色。吃罷來一杯辣到伸晒脷既薑茶來驅寒,爽皮!

單尾既糯米飯,軟熟不過硬,仲有足料既蝦米及腊味,忽然令人想起中學時代鐵皮屋那檔炒麵及糯米飯,懷念不已。

大閘蟹餐的糖水,自然離不開薑茶湯丸。香濃的黑芝麻湯丸,香甜的番薯,與薑茶是最佳拍擋。


餐廳資料:
帝京軒
旺角太子道西193號帝京酒店3樓
26226161

2 則留言: