豆乳狂人 - 豆乳及粢飯

食物：$$$1/2
環境：$$$$
服務：$$$$ 

家住荃灣，經常路過海之戀商場，每每被這店的『Open Kitchen』吸引住而停下腳步，欣賞其製作豆品的過程。

後來看見傳媒報導，原來此店的老闆，係豆品廠家族的傳人，更使我有興趣一試其出品。

在餐牌見到牛油果鰻魚玉子粢飯，暗喜，來一份同朋友分吃。大口咬下，米飯唔怕硬轟轟，鰻魚跟牛油果原來都幾夾，加埋軟滑的玉子，果然好吃，值得推薦。

一個誤會，叫左兩客雞翼，分別係黃金與及避風塘做法。咸黃蛋炸雞翼是預期之中的邪惡又美味，但避風塘亦絕不遜色，香口惹味，我甚至覺得比黃金雞翼更勝一籌。

榴槤奶蓋豆乳，看上去平平無奇，但一打開蓋，那陣香氣就撲鼻而來。用上D24，味道香甜濃郁，再配上店家自家製的白玉，豐富層次，好吃，不過都好飽肚。

若你不好榴彈，楊枝甘露口味同樣誘人，勁多芒果肉，炎炎天氣大吃幾口，爽爆！

朋友飲特濃可可口味豆乳，而芋泥控既我，就揀今期銷量冠軍的鮮芋泥豆乳，淨係個樽打卡都值回票價。

咁近我，想食既話，隨時食到啦！

餐廳資料:
豆乳狂人
荃灣大河道100號海之戀商場2樓2036號舖
35425519