2022年9月28日 星期三

阿閒泰 - 泰愉快的一夜



食物:$$$1/2
環境:$$$$
服務:$$$1/2 

幾中意K11呢間阿閒泰,裝潢時尚,食物水準唔錯,價錢合理,總好過那些打卡熱店。

記得第一次來,是兩年前,疫情很嚴峻的日子,當時我與乒乓教練朋友也被迫停工,大家齊齊來食午餐。

嗰時,中午繁忙時段,小貓三兩隻。

今次是週末晚上前來,排左半個鐘,但願餐飲業可以回復興旺。

蝦餅造成長條型,反正沒有影響口感,溫度亦保持得到,吃起來仍燙口,咩形狀查實我並不介意。沾上醒胃之汁醬,仍是恰如其分的香口小吃。

本想食船河,但正如好友所講,在香港很少機會食到卷粉,便來了一客。帶點煙韌既口感,味道正正常常,大概係肉碎唔夠多。

三款串燒之中,最欣賞以蔗串起的雞肉,香口得來又夠嫩滑,醮些魚露,岩心水。但其實豬肉與羊肉都唔差既。

米紙卷唔一定係蝦或者軟殼蟹既,用上我喜歡的紅菜頭,結合菠蘿,同樣可以清新可口,又健康。

呢度既泰式鴛鴦冰唔錯,杯內是咖啡冰及奶茶冰,誠意可嘉。

食下傾下,唔覺唔覺就坐到人哋打洋,甜品都趕唔切叫。

下次吧!呢度會有下次的。


餐廳資料:
Ahan Thai
尖沙咀河內道18號K11購物藝術館2樓219號舖
39969226




5 則留言: