2022年9月22日 星期四

天外天 - 年年都有今日



食物:$$$1/2
環境:$$$$
服務:$$$$ 

好友生日,雖然佢對食無乜所謂,但點都要搵個地方食好少少。

為就大家方便,揀左食Hotel Icon既天外天,話時話,我都好多年無來食過,唔知水準有無進步呢?

濶別多年,地方好像沒有怎樣改變,落地玻璃飽覽維港景致,仍然是一大賣點。

既然係慶祝生日,開枝香檳飲下吧!

原本想食炸子雞,可惜售罄,唯有改吃叉燒。入口鬆化,有蜜味,印象中比我上次食既好。

中意食香口嘢既我,叫左份春卷。係非一般既春卷,因為餡料係龍蝦,仲加入左松露,所以香脆之餘,口感亦彈牙,春卷本身亦夠粗身,好吃。

桂花梨伴黑醋豬柳係呢度招牌菜之一,豬柳質感的確鬆化,伴上黑醋,味道醒胃又沒有過酸,旁邊的桂花梨正好作一個平衡,不愧為師傅既拿手菜式。

與其炒個菜,倒不如試下呢款素食,個名好靚既金盞玉如意。炸得香脆的金盞並不是主角,各式菜蔬素食如露筍、鮮百合、木耳及豆干等,味道都唔差,只係稍嫌佢油左些少。

生怕吃不飽,叫個炒飯穩陣啲。蝦頭油蟹肉炒飯似乎幾吸引,米飯炒得香口,粒粒分明,而且好多蟹肉勁足料。

最後當然要食壽桃包,有蛋黃的。不過講起壽桃包,我就諗起東海嗰個又大又香甜既出品,第二度真係食唔到既。

希望每年都可以一齊開開心心慶祝生日~


餐廳資料:
天外天
尖沙咀科學館道17號唯港薈28樓
3400 1318

4 則留言: