2022年9月21日 星期三

土生花 - 葷素共融



食物:$$$1/2
環境:$$$$
服務:$$$1/2 

一直以為呢間土生花只有素食供應,但原來都有肉類的選擇,包括我食既呢份五道菜既套餐,等我仲擔心大家會唔夠飽。

廢話唔講咁多,直接睇下啲嘢食掂唔掂先!

先嚟廚師精選養生湯,以磨菇同豆腐作主調,再加上麻油。然而,磨菇看似雖多,但香氣唔太出眾,反而被麻油搶去其味道,好在溫度仍keep到。來一點旁邊帶微微辣勁的雅枝竹同吃,成件事會好番好多。

接住來既露筍配溏心蛋,賣相有如在吃fine dining。露筍清甜爽脆無渣,溏心蛋做到應有效果,醬油味道有點太語濃郁。

之後的乳鴿,外皮沒中式的燒乳鴿般脆,但肉質嫩滑,火侯控制是到家的。細滑而肉香濃郁的乳鴿,結合帶甜的汁醬,我是欣賞的。

再來的紅蝦,賣相像壽司。紅蝦刺身,肉是爽,不過鮮味始終及不上西班牙的出品。底下是椰菜茸,無乜味道的,要靠醬油去調味。

估唔到,第五道的韓式牛筋骨,份量會是如斯的大,仲會跟一小碗米飯,呢個餐,肯定夠飽。牛筋肉鬆化彈牙,濃濃的汁醬伴白飯,絕對美味,就連配角既薯仔和蘿蔔,亦頓時變得吸引,真好。

套餐以外,都叫左少少嘢大家分吃。天婦羅人蔘,在香港很少地方可以嚐到,我印象中尖沙咀的石牆道是有此味供應。然而,呢度既出品,擺盤精緻得多,外脆而有點咬口的仁蔘,沾少少芥醬,幾特別。

韓式豬手一向岩我心水,一定要連皮食。用生菜包裹著,再夾些醃蘿蔔同吃,又是另一番滋味。

偶爾欣賞下韓國寺廟素食,也是好事。餐廳能做到葷素共融,就更加岩我啦!


餐廳資料:
土生花
尖沙咀梳士巴利道18號Victoria Dockside K11 Musea7樓704號舖
23899588

2 則留言: