鬼混 - 778第二回

食物：$$$$
環境：$$$$
服務：$$$$ 

778的第一回，吃得不太滿意，好在第二回遇上好餐廳，補番數。

店子叫Vie Won Won，聽到呢個名，我真的沒抱太大期望，以為又是打卡呃Like的地方。然而，我錯了，我不應以名取店。

餐廳位於南里，前身正是Cobo House吃蛋糕的地方。

熱到hihi，有理無理先來杯凍飲，桂花金橘蘋果沙冰，清爽怡人，又無奶昔咁鬼飽肚，我無揀錯。

新鮮炸起既薯條，香脆熱辣，汁醬有得揀，呢款外表似千島醬，但帶微辣的醬汁，坊間罕見，蠻特別的，但我覺得不用點任何醬，已很好吃。

天氣真的太熱，適宜來些清爽的東西，如這味麻辣凍蜆。蜆肉凍上，又有啲爽口的八爪魚，重點在於滲出點點麻香的汁，好清新醒胃，有驚喜。

豬筋骨有一份/半份，幸好店員提醒，因為半份的份量已很足夠。每人用手拿起一枝骨來齒，倍感風味。豬骨骨的味道唔錯，入口鬆化，有燶邊，要挑剔的話，就是太肥了，失去了吃排骨的感覺。

龍蝦沾麵係名物，味道唔差既，龍蝦肉亦做得彈牙，若然個汁醬可再濃郁一些，重口味既我會更開心。

在甜品欄上看見爆谷火山，一直在想是否與以前Cobo House的招牌甜品一樣呢? 無謂亂估，叫一客來求証下就是。外型有幾分像，但實際不是，因為這份是全爆谷 (混入些少nuts)，而沒有雪糕在內的。雖然味道合格有餘，但我還是更喜歡昔日Cobo House的名物。

另一客甜品，係迷幻磨菇。其迷幻既意思，大概就係其煙燻的味道。連盅蓋送上來，打開個盅，仙氣冒出，個磨菇造型又係幾Cute既，又係為打設拍片而設的甜點。兩款不同口味的雪糕，在這個天時，肯定受歡迎。

餐廳資料:
鬼混
西環南里8號地舖
59202838