2022年7月1日 星期五

起鍋 - 一起在炎夏打邊邊



食物:$$$1/2
環境:$$$$
服務:$$$$ 

講過千百遍,打邊邊是無分季節。三十幾度氣溫,酷熱天氣警告,又如何?

搞埋少少手尾,遲左啲到,大家已經揀好鍋底,生料亦陸續送上,嗱嗱臨影幾張相,即刻開餐。

湯底係椰子花膠螺片雞湯,色澤吸引,又雞又花膠,肯定養顏,打邊鍋前先喝一小碗湯,順喉舒服。

等湯底滾起需要時間,先吃點炸魚腐,鬆軟得來味道濃郁,不錯,但其實我個人覺得,浸一浸湯會更加美味。

另一款可放湯可不放湯的,是響玲午餐肉。以腐皮包裹著午餐肉的火鍋配料,我真是第一次見識。雖然話可以就咁食,不過可以想像,輕輕的在鍋內拖一拖,口感層次與溫度,都會提升很多。

即使席上有朋友不嗜牛,我都唔理佢三七廿一,整碟牛雙拼。平時我的首選必定是牛頸脊,然而今次的吊龍,不論質感與及肉香,均比牛頸脊更勝一籌。

當然,都叫左份豚肉俾唔食牛既朋友。西班牙黑毛豬,超薄切,所以輕輕拖幾下就可以放入口,肉香濃郁的。

雞件是來自日本九州,雞有雞味,係信心保証。

丸子肯定係手打,而且味道獨特,分別有九層塔蝦丸,以及冬蔭公墨魚丸。兩者之中,墨魚丸味道濃郁,再多一份冬蔭公之香氣,較合我心水。

餃子也不是來貨,所以味道又係有特色。香葉肉碎餃幾有清香氣息,不過一向愛惹味東西既我,又係對冬蔭公雜菌餃更有好感。

水雲麵贏在質感,即使浸多久也不會變得過份軟腍。

吞埋幾條菜,食幾件清甜多汁既西瓜,今餐就... 係咁多。

BTW,你吃西瓜會沾梅粉的嗎?


餐廳資料:
起鍋
灣仔駱克道37-39號得利樓1樓
91308899

4 則留言: