2022年6月29日 星期三

麗澄軒 - 又是川味



食物:$$$1/2
環境:$$$$
服務:$$$1/2 

忽然發覺,最近食多左好多川菜,如是日,又去左長沙灣的麗澄軒食辣。

店子開業無耐,開飯網一個食評都未有,不過生意已經唔錯,若然遲十分鐘來到,恐怕要等位。

價錢又唔算特別便宜,咁短時間能夠吸引大量街坊幫襯,定必有其過人之處。

中午來,還是吃套餐划算。雖然都有些粵式套餐選擇,但又好像川菜系列比較吸引,所以還是揀了吃川味。

先來的是四川回鍋肉,用的是五花肉,但比坊間吃到的較為細片。肉唔會太乾,帶點脂香,配埋蒜苗及青椒,頗正宗的感覺。要了小辣,因此辣勁不太強,反而嫌佢稍咸了一點點,但味型是對辦的,亦都幾好送飯。

另一味是泡椒肥腸,加入左窩筍,大路做法。肥腸口感還好,唔會太韌,多些脂香或會更出色。這道菜當然不會太辣,而泡椒的咸香,其實幾醒胃,我一向喜歡吃泡菜系列的菜式。

食辣肯定要飲凍飲,杯凍檸茶茶香唔算出眾,勝在有多片檸檬,沒有太多投訴。

蠻正宗的川味,有機會再同辣友來刺激一番吧!


餐廳資料:
麗澄軒
長沙灣順寧道83號尚都地下A號舖
23629988



4 則留言: