食物：$$$$
環境：$$$$
服務：$$$$
尖沙咀有唔少食廈，當中的新勢力，必要數到H
Zentre。
佔盡地理優勢，尖東站一出就係，結合無敵維港景緻，連老牌名店胡同以及Aqua都遷過來，號召力可想而知。
遲早要去會一會胡同和Aqua，但今次的目標，是十六樓的卓苑，主打粵菜及潮菜。
臨急臨忙地去，坐唔到靠窗的有利位置，建議大家預早少少訂枱。
是日只嚐了幾款點心，沒有叫鹵水嘢，或者炒粉麵飯。金魚餃是可以按人頭數上，吃過咁多間酒樓酒店的金魚餃，呢間賣相算是中上了吧。外皮唔算太厚，口感煙韌，味道不俗，反而碟中的『荷塘』，可以裝潢得精緻些。
家陣啲腸粉，與兒時的不同，一係就長過我條命，一係就已切開一件件，這裡是後者。腸粉皮稱不上很薄，不過幾滑，帶子火侯好，加上松露醬之香氣，也是吃得過的出品。
韭菜粿是細細粒容易食的版本，煎得香口微脆，伴以韭菜之香氣，個人倒是喜歡。
之後是幾樣甜品，紅袍荔枝，純粹係個樣似荔枝的甜點。咬落脆口有層次，內裡係奶皇，以及蒟蒻，蠻有趣的。
太極馬拉糕，贏在賣相，已分開一件件，吃得更方便。
筆者對芋泥的抗拒能力是零，香甜奶滑的質感，連埋鬆化的福果，是令人停不了口的東西，師傅還刨了些檸檬皮去解膩，是花過心機之作。
待限聚令放寬，約多幾個朋友來食鹵水，相信是更為滿足。
呢間啲食物賣相好靚呀，不過腸粉，我會like舊式嘅多啲！
回覆刪除可惜轉眼間又已經停業
刪除感覺好似舍SHÈ。
回覆刪除