2021年11月8日 星期一

& Green - 加油站



食物:$$$$
環境:$$$$
服務:$$$1/2 

一間又一間的咖啡店開設在紅磡,包括著名的素食Cafe素年,與及發展迅速既Black Sugar都在該區插旗,香港地的咖啡戰場,遍佈十八區。

於我而言,最欣賞的並不是近月加入的新力軍,而係已有幾年時間,位於海濱南岸的& Green。

貪佢地方夠大又舒服,繁忙時間都唔使迫餐死,咖啡與及食物的質素,均合乎預期。

在櫃枱柯打完嘢食,拿個號返埋位,有人會送餐過來。不過要留意,呢度既速度係比較慢,請俾少少耐性。

食飯也好,烏冬也好,都可以轉套餐,有沙律及基本飲品。沙律份量不大,勝在用料新鮮,細食既我就覺得剛好。

喜歡吃這裡的烏冬,夠滑溜。鰻魚飯不是恆常項目,但間中會出現在是日精選,我也總會點上。不是原條的鰻魚咁有氣勢,但$108連沙律及飲品的套餐,我也不可能有此奢望。鰻魚質素其實都合格,亦沒有太多細骨,蒲燒汁唔怕死甜,鰻魚底下還有洋蔥與雞蛋,後者嫩滑,連埋蒲燒汁伴白飯,自然可口。

若然無乜胃口既日子,我會挑吃三文治。最簡單的雞蛋三文治,用上丹麥酥已經加分,雞蛋很厚身,但仍能保持嫩滑,我份人有時都好易滿足。

每次喝的拿鐵,都是醇厚易順喉,我就是喜歡這版本的出品。

最衰,晚上唔開,否則我收皮後會來食個烏冬才回家。


餐廳資料:
& Green
紅磡愛景街8號海濱南岸地下1B號舖
27358789

2 則留言:

  1. 份蛋治好正呀,諗起細個時最鍾意食冬菇亭嘅蛋治!

    回覆刪除
  2. 用丹麥酥的三文治即時加分。

    回覆刪除