2021年11月15日 星期一

Coffee or Tea - 不太Cafe的Cafe



食物:$$$$
環境:$$$$
服務:$$$$ 

筆者第一份工作經常要外出做招聘,官塘裕民坊是其中一個重心地帶,所以對這個地方總有點點感情。該處重建後,化身為豪宅地,一直想去睇下變成點,最近終於抽到時間,遊走新商場,兼且找地方醫肚。

作為一個沒咖啡會周身唔聚財既人,遇上咖啡室,推門入去實屬正常。

新開業,自然光猛企理,Cafe的一個角落,放滿了名信片,全都是昔日裕民坊的寫照。

雲朵多士本身已是呃Like的東西,將蛋黃加埋上頂,賣相更勝一籌。另外,可配上咸牛肉或者午餐肉,當中後者更是把餐肉打成茸,我是首次見識,很特別。

蔥花蛋多士不是在茶記吃的東西嗎? 竟然會在這裡出現,大家都好奇想試試。外貌當然要比茶餐廳的吸引,香脆之多士結合厚身又嫩滑的雞蛋,最重要是混入了適量的蔥花,好吃。

有蔥花蛋多士都未算誇張,更估唔到佢會有懷舊的米通粉。滑嘟嘟的質感,味道很家常,配埋雞絲,以及養顏的花膠,女士們應該會很喜歡。

這兒的米飯都好唔錯,如炒蛋焗豬扒飯,蕃茄的酸度來得恰到好處,連埋滑蛋已經很好吃。豬扒是吉豬,外層鬆脆,內裡鬆化。

然而,全晚最吸引的項目,定必要數到麻婆豆腐飯。辣度不強,但味型正宗,滲透陣陣花椒粉的香氣,很好下飯,絕不是在粵式地方吃到的瞎弄貨色,從沒諗過會係Cafe吃到如此出色的麻婆豆腐,我想甚至比好些川菜館子做得更好。

甜品方面,金黃香甜的法式多士,與及加入了開心果的牛油吐司,都輕易取得我歡心。

飲品當然是以咖啡及茶為主打,也有兩者混合的好東西,如呢杯烏龍鴛鴦,在濃香的咖啡之中滲出烏龍的味道,十分特別。

朋友的Dirty,據聞也稱心。若你你愛榴槤的話,呢度仲有香氣陣陣的D24榴槤綠豆冰。總之,驚喜處處。


餐廳資料:
Coffee or Tea
觀塘協和街33號裕民坊YM² 1樓101號舖

4 則留言: