多賀野 - 終於遇上

食物：$$$
環境：$$$$
服務：$$$1/2 

身邊朋友對多賀野的評語好參差，有些讚到佢天上有地下無，又有班覺得佢名過其實，是比較罕見的現象，我一直想搵機會見識下佢廬山真面目。

趁周中在這商場買完嘢，肚子在打鼓，就找個地方祭五臟廟。

到底去 Chatterbox食海南雞好，定來食碗麵好呢?

以拉麵店而言，多賀野既裝潢都算誇張，或者要進駐呢個商場，就是要這樣別樹一格。

拉麵肯定要食，爭在揀咩湯底啫，在醬油與鹽味之間掙扎，選擇困難，點指兵兵，前者成為了幸運兒。

呷啖湯，醬油味唔夠突出，總之感覺唔湯唔水咁。麵條未見爽口，兩片叉燒稍嫌嚡口，溏心蛋可以，起碼做到應有既效果。整體而言，唔係差，但與預期中有所出入，可能是名氣太大，我期望過高而已。

唔使問，都知會有餃子出現。味道正常，衰在溫度未夠熱，是我放久了嗎?

第一次試綠茶可樂，唔難飲，但稱唔上喜歡，見識過就好。

落戶這型格大商場，價單當然唔會便宜。

餐廳資料:
多賀野
尖沙咀梳士巴利道18號K11 Musea 2樓220號舖
28818331