2021年11月12日 星期五

Boring?! - 絕不沉悶的美好夜晚



食物:$$$1/2
環境:$$$$
服務:$$$$ 

間唔使會去黃埔美食坊開餐,早安越南是其中的心水店,然而某天再打算來食生牛河,卻見這裡拉了閘,到底是裝修,抑或係執笠,當時的我還未清楚。

再沒多久,我可以肯定,呢間越南菜館已經玩完,新接手的餐廳,怎樣風格仍未知道,但似乎是西餐。

Finally,餐廳神秘面紗終於解開,名字叫Boring?!,環境看來頗浪漫。

睇睇餐牌,價錢沒想像中高昂,兩舊水有找的晚餐,有齊餐湯、沙律、主食,以及飲品,砌得過喎!

是日餐湯,磨菇湯。兩個字,香濃。溫泉蛋帶子黑松露沙律,店員話可以用匙先吃溫泉蛋,之後再食沙律,或者將蛋黃撈埋沙律同吃。我既食法當然是後者。整件事感覺清新,帶子的火侯也來得正好。

其中一款主食,係海鮮煲仔飯。蝦、蟹、蜆、青口、魷魚及鮑魚等,一應俱全。海鮮只要新鮮,不用花巧,自會好吃。不論是西式,抑或是中式煲仔飯,飯焦總會是重點。這兒的出品,都做到香脆的飯焦,交到貨。

至於日式蟹羔蟹肉意大利飯,蟹蓋也放出來作擺盤點綴,全為相機食先而設。蟹羔不多,唔夠邪惡,意大利飯Creamy,但我喜歡更有咬口的。

中午飲完咖啡,夜晚就免了,估唔到杯熱蜜桃茶都幾好。

呢個價錢,交足功課有餘了吧!


餐廳資料:
Boring?!
紅磡紅磡黃埔天地美食坊(第8期)1樓115號舖
66620821


2 則留言:

  1. 西式做法嘅煲仔飯都有飯焦,應該只有香港人會諗到😋

    回覆刪除