食物:$$$1/2
環境:$$$1/2
服務:$$$1/2
說起來慚愧,做左幾百年荃灣老饕,還從沒幫襯過路德圍嗰間印尼餐廳Istimewa Warung Indonesia。
唔知點解,我總覺得呢間嘢,似印尼什貨店多過似餐廳,亦只係印尼姐姐週末或假日的聚腳點而已。
係呀,假日既路德圍街頭,有如維多利亞公園,印尼姐姐才是話事人。
叫左個飯,加份小食。估唔到佢晚餐時段,竟會送例湯,還要是十分中式的出品,我是去錯了茶餐廳嗎? 先吃小食,薄身的咖喱角,勝在鬆脆,沾上酸甜的汁醬,岩晒愛吃熱氣嘢既我。 巴東牛肉煎雙蛋飯,要少飯,份量仍不少。蛋黃是偏黃色,蛋香及味道自然不能與橙色蛋黃的蘭王或夢王蛋相比,不過雞蛋煎到燶邊,破穿蛋黃汁來撈飯,總唔會衰得去邊。巴東牛肉偏濕身,弄得腍身鬆化,味濃但不很辣,也是佐飯良品。 大量椰奶、椰糖,加埋涼粉等做出來的什錦冰,地道。咁既時勢,峇里是去不了的,但吃著吃著,卻讓我想吃一次峇里堂,尖沙咀嗰間呀!
竟然係似中湯😅
回覆刪除雙蛋好似鹹蛋超人!峇里堂好食呀。
回覆刪除