2021年4月23日 星期五

香江花月 - 打卡又打邊邊



食物:$$$1/2
環境:$$$$
服務:$$$1/2 

社交媒體大行其道,除了(偽)文青集中地的Cafe要設有 『影相位』外,就連火鍋店也須IGable。

譬如筆者今次到訪既呢間香江花月,幾乎全店都是打卡位,包括嘢食,同埋飲品。我來之前,已被身邊的朋友洗版。

想七點半來,可是全店爆滿,要等八點鐘的第二輪。

時間緊迫,甫坐低即刻要點餐,否則趕唔切十點的大限。

打邊邊當然要有嘢飲,當中唔少特飲都好靚,好似我揀既呢杯鳳琉香,上面既 『波波』最吸睛,味道大概似雜果賓治,好有學生時代去唱k嗰感覺。

席上有辣友,也有非辣人,來個鴛鴦湯底就好。等湯底滾起需要時間,先吃著脆卜卜的炸魚皮。而我,其實喜歡將之輕輕浸在湯內才品嚐。

火鍋配料陸續送上,包括在爐邊既呢個配料環。豬牛羊的配料擺得好精緻,牛肉有齊本地手切、安格斯、柏葉及牛腩等,羊肉片就擺成花朵般,豬肉也有多款式,內臟都有,但最出色要數到厚切豬頸肉,好彈牙。若你是牛魔王的話,呢度既配料環,是有清一色全牛的,可以留意。

食完個『環』,已經飽左大半,不過其他的配料都好吸引,貪心既我樣樣都想試。

色彩繽紛的,有三色丸子、三色餃,以至三色麵。丸子是手打,質感自然不俗;餃子不要淥太耐,麵條估唔到又幾爽口好吃。

鬼馬油條,浸一陣就好,蝦膠彈牙而油炸鬼又保持微脆口,是最佳狀態。

朋友嚷著要食鴨血,不妨來一客,這東西當然要浸在麻辣湯內才過癮,煙煙韌韌口感還是可以。

最後梗係要有蔬菜,一個長型既雜菜陣,其中的娃娃菜十分清甜,粟米芯也爽脆可口。多吃幾條菜,罪疚感也頓時降低。

有興趣的話,食完可以去『打卡房』影相,放上I豬,肯定呃到唔少Like...

Chok好個樣未?


餐廳資料:
香江花月
佐敦佐敦道35號百誠大廈2樓
27368368

4 則留言: