2021年2月3日 星期三

十大碗粥麵專家 - 不遜老字號



食物:$$$1/2
環境:$$$$
服務:$$$$ 

收到可靠情報,太子的十大碗粥麵專家,其雲吞麵之水準,比起幾間老字號有過之而無不及,作為老饕既筆者竟完全唔知道呢個地方,真係慚愧,誓要去會一會佢。

非繁忙時間來到,可以一人獨佔卡座,食得自在。

跟名店永華 (已結業)及劉森記一樣,大大瓶泡蘿蔔放在桌上,任你吃過夠。我梗唔會同佢客氣,爽脆又酸酸的白蘿蔔,是令人難以停口的東西,一吃就是小半瓶。

這裡的雲吞麵沒有分大細蓉,份量大概就是大細蓉之間。金絲麵在上面,雲吞在下面,匙羹墊底,還有韭黃在陣,是傳統的賣相。

呷啖湯,清鮮而有大地魚粉既香,唯稍欠層次,自行加丁點醋後,效果反而更好。小巧的雲吞,蝦及豬肉比例剛好,還吃得出烘過的大地魚香,入口爽而香。麵條同樣做到爽身,沒有惱人的鹼水味,我已收貨。

一碗雲吞麵肯定唔夠喉,加多碟炸兩就剛好。腸粉稱不上很薄,不過熱騰騰上來,油條夠脆口,按自己喜好加埋甜醬麻醬,我仍是滿意。

熱奶茶始終不是呢度既強項,茶底有些少澀,早知飲支裝可樂仲好。

店子不播CCTVB,而是播放NOW,是否代表著什麼?


餐廳資料:
十大碗粥麵專家
太子汝州街45號樂勝大廈地下
37058436

3 則留言:

  1. 店子不播CCTVB,而是播放NOW,是否代表著什麼>>>我喺呢度見過類似情況,亦有呢個迷思,因為始終唔係香港,更加難估計。。。

    回覆刪除