食物：$$$$
環境：$$$$
服務：$$$$
媽聲四起，晚市禁堂食限制再次實施，意味著好大機會無法食聖誕大餐，全年我最喜愛的節日變得落寞。
在禁令實行的前一晚，六點半左右，收到朋友既短訊，問有無興趣食最後晚餐。
咁值得紀念既一年
(衰到貼地)，無理由唔應約，搞埋少少手尾便出發，來到這間正宗的日本料理。
食客全是日本人，忽然間，我倆成為了異類。某程度上，這也反映了餐廳的水準，增強了我的信心。
餐牌就寫在白板之上，刺身串燒烏冬炒飯樣樣都想食，胡亂點了幾款東西，唔夠再叫。
想吃左口魚刺身，可惜無貨，店員推介我們食赤身，不妨一試。成品的確好靚，口感爽身，沒半點雪味，係新鮮好東西，有個好開始。
接著來的辛辣明太子，放在青瓜片之上，砌得美美的。從來欣賞明太子的咸香鮮美，再散發出辛辣味道，很合心，連爽脆清新的青瓜片一同放入咀巴，是個最好的平衡，喜歡的話再加點蘿蔔茸，Oishi~
烏冬有齊稻庭和讚岐俾你揀，是晚想要稻庭冷烏冬。幼滑細膩的烏冬，沾上清爽之醬油，很對辦。從舌尖滑入喉嚨，大滿足。
細食既我們，此時已飽得七七八八，不過食物水準實在好，忍唔住又追加了免治雞肉棒。
賣相不俗，最重要是有隻生雞蛋黃在旁邊，撈勻後沾滿在雞棒之上，即可起動。質感蠻好，唔會太鬆散或死實，裡頭混入了軟骨，豐富了口感，出色。
是我太肚餓嗎?
這一餐，我認為很高水準。
疫情過後，我會再來吃晚餐的，要堅持住呀！
雞肉棒睇落唔錯喎！我地個省已封城三週，但個案繼續每日過千，唉！
回覆刪除一定有下次！
回覆刪除