2020年12月16日 星期三

一幻拉麵 - 第四間啦!



食物:$$$1/2
環境:$$$$
服務:$$$$ 

疲情嚴峻,餐飲業界人人叫苦連天,但凡事總有例外,今次介紹的日本過江龍拉麵店一幻,就在疫市中突圍。

心水清既朋友或會知道,此品牌在香港已開到第四間分店,最新的一家,座落屯門市廣場。

新界既朋友,等到頸都長,終於俾你哋等到啦,哈哈哈~

新店除左保留了招牌既蝦湯拉麵外,還特別加入了兩款新口味,分別是北之極蕃茄蝦湯拉麵,以及札幌咖喱蝦湯拉麵。一場來到,梗係要試下新嘢。

拉麵來之前,先吃些小食,其中的甜辣小蝦沙律很討喜。蝦仔隻隻脆口,甜中滲出微辣蠻醒胃,撈埋沙律菜同吃,是好精彩的開胃小吃。

北之極蕃茄蝦湯拉麵沿用了招牌的甜蝦湯底,味道自然不會陌生,重點是糖度達10度以上既北海道蕃茄,有效提鮮及減低油膩感。叉燒只一片,切得薄身也有夠軟熟,半隻溏心蛋充滿蛋香,若可稍稍再溏心一點便理想。至於麵條,始終是略帶鹼水味。

另一款的咖喱蝦湯底,端上桌時已散發陣陣香氣,第一印象比蕃茄那款更誘人。咖喱的辣味其實幾溫和,不能吃辣的朋友相信也可接受,而且咖喱正好中和了麵條的鹼性,配埋角切叉燒、翠玉瓜、粟米粒及溏心蛋,更合我心。

印象中一幻既叉燒飯很吸引,同埋只係細細碗,忍唔住口又來一碗。軟熟入味的角切叉燒、麵酥及青蔥撈日本米飯,無唔好食既道理,三扒兩撥便幹掉整碗。

再飽也好,餃子我是不會錯過的,筆者對日式的餃子總有份莫名好感。

新店還推出一連串的優惠,首炮 (1216日至1220)係買一送一;第二彈 (1221日至110)$128的限定拉麵套餐,有齊拉麵/拌麵、餃子、指定飲品,以及贈送限量版抗菌潔手噴霧;第三回 (111日至31)係惠顧指定套餐,即可獲贈限量版摺疊式環保飯盒乙個。

最終章 (2月1日至28日)玩法係儲印花,儲滿即可獲贈終極大賞福袋,內裡有包括一幻X Bruno限量便當盒、Powerbank等等~


餐廳資料:
一幻拉麵
屯門屯隆街3號屯門市廣場一期2樓2319號舖
23122399

2 則留言: