六木甲食 - 輕鬆嘆櫻桃鴨

 

上天待我不薄，回到禁堂食要自煮之時，又再收到好東西，抗疫也幸福過人。

說的是台灣品牌，六木甲食既櫻桃鴨，分別有鴨胸、鴨腿，與及鴨肉丸，加餸岩晒。

上網了解下，原來六木甲食有一站式的養殖場，衛生標準好高，攞齊HACCP等多個安全認証，吃得放心。

平時少湯水，趁週末滾個西洋菜湯，放埋鴨肉丸，簡單易搞，卻已成為很受歡迎一味。臨近聖誕，西洋菜自當合時，細嫩可口。鴨肉丸外貌有幾分像牛丸，吃起來又有少許似豬肉丸，質感結實，食幾粒都好飽肚的。

鴨腿連埋包裝袋放入水中煲十來分鐘即可，又是沒技巧可言。食鴨髀最好梗係用手拿起，大啖咁齒下去。肉質不粗嚡，滲出陣陣燻香氣味，不錯吃。最重要是連皮一齊食，夠爽也多一份皮下脂香。

煙燻鴨胸兩款，係原味和黑椒味，輕輕煎香兩邊即可。兩者都不會好韌，原味鴨胸吃得多，面頭灑滿黑椒的倒是首次品嚐。鴨皮很香脆，黑椒惹味而不是太辛辣，亦沒有過咸。若你肯花點心思，切幾片再加點配菜擺靚佢，絕對可以登上大雅之堂。

想偷懶又想吃到優質美食，即去HKTV Mall入貨喇~