新店速遞：Deer Kitchen - 難道要入官塘？

食物：$$$
環境：$$$$
服務：$$$1/2 

官塘有間樓上西餐廳，叫Deer Kitchen，網上風評不俗，筆者已將這鹿頭放了在To-eat -list之中，只是仍未有機會去。

忽然一天間，荃新天地馬莎對面，開了間新既西餐，名字又係Deer Kitchen，我確認過是官塘那家的分店。

對我來說當然係好消息，只是廿分鐘的腳程，唔使山長水遠入官塘。

靠近門口的兩個『金雀籠』最吸睛。是的，今時今日不論開餐廳定Cafe，總會設計一、兩個打卡位，俾人影相放上網。

午餐可選沙律或餐湯，沙律菜配上的不是黑醋，而係沙律醬，幾港式，但我沒有試。忌廉湯我就嫌淡口了一點。

主食的墨西哥辣椒豬柳意粉，辣勁其實並不強勁，不吃辣的朋友也可應付到。意粉勝在保持咬口，但豬柳卻頗為粗嚡，整體而言我覺得只屬平平。

香煎魚柳做得香口，可是魚肉又有點韌，何解總是差一點點，是我太挑剔嗎?

茶啡不用加錢，伯爵茶亦然，始終食物唔算稱心，那就不冒險再俾錢轉特色咖啡。

難道我真要找天殺入官塘試試?

餐廳資料:
Deer Kitchen
荃灣楊屋道1號荃新天地一期地下G06A,G06B&G07號舖
25610016