鼎尚棋哥燒鵝湯館 - 一個出鵝，一個出湯

食物：$$$1/2
環境：$$$1/2
服務：$$$

既然寫開鼎爺既新店鼎家喜筷，不如又講下佢另一間舖，位處西九戲曲中心的鼎尚棋哥燒鵝湯館。

是與馳名燒味店棋哥合作的餐廳，棋哥出燒鵝，鼎爺出湯。

雙劍合璧，能否耍出亮麗劍法?

平日晚上約七時，或者是沒有戲劇公映的關係，整個戲曲中心也很冷清，鼎爺呢間店連埋我只得兩枱，另一枱係做直銷的，那男人不斷叫兩個師奶招攬會員，又話會有幾多幾多分，又有乜著數咁。

時間緊迫要快食，所以只叫了燒味飯，很茂李地燉湯也沒有點上。筆者與棋哥大概是欠缺了少少緣份，許多人讚棋哥的燒鵝好吃，我卻覺得好一般，今次也不例外。燒鵝是帶有燻香，可是肉質仍是偏韌，但已比我上次在銅鑼灣店吃的要好。

沾一點燒鵝醬，作為彌補吧！

反而叉燒油雞要好一些，叉燒雖偏瘦及沒燶邊，至少入口鬆化。油雞色水唔錯，皮爽且肉質不粗嚡，比叉燒更出色。

好乸好食唔講得，又或者我應飲個燉湯，才再下定論。

食食下，直銷那枱的師奶 (應該係阿婆先岩) 忽然大叫過來：『喂！你兩個入會！跟我！』

要始阿婆搵食?

我都有今日~

餐廳資料:
鼎尚棋哥燒鵝湯館
尖沙咀柯士甸道西88號戲曲中心地下GF-05舖
23263369