食物:$$$$
環境:$$$$
服務:$$$$
荔枝角的圍威喂,主打東南亞美食,個人是頗喜歡,就是香港的最後午餐 (全日禁堂食令前一天),我也選擇在那裡搞掂。
早前收到風佢將在荃灣廣場開設分店,筆者是滿心期待,隔幾天便去瞄下佢裝修進度,睇佢幾時開業。
新店比總店要大一些,那句If there was no tmr, how hard would you play? 仍掛在牆上,感覺上是更加舒適。只是,新店暫未有意式咖啡供應。 一條友食,叫個炒金邊粉便好。份量比預期中大,還有不少的雞肉及蝦,我肯定吃不完了,盡力而為吧。金邊粉炒得幾香,味道帶酸,撈埋旁邊的辣椒粉及花生碎,酸辣俱備,十分惹味。 吃到半路,忽然有人叫我,唔係又俾人踼入會卦 (直銷?!)?抬頭看,原來是車爸媽,那當然是坐低一齊食啦!可以多試幾款小食,多好。先講講佢哋既蝦麵,我沒有試,但那隻誘人的溏心蛋絕對加分,車媽媽更說這是她在香港吃過最好的蝦麵,咁誇張?! 另外點的幾份小吃,蝦餅熱燙又彈牙,雞中翼漲卜卜,皮脆又有牛油香,素來鍾意食熱氣嘢既我覺得,兩者皆不錯。 在餐牌上看見怡保芽菜,我立即雙眼發光,馬上來一客。成品是肥嘟嘟又短身,可惜總是欠當地芽菜的清甜,未能滿足。 凍奶茶香濃,店家還用上環保飲管,抵讚!我又多一個飯堂了~
又會咁橋嘅,一齊食,開心些牙,更高興!
回覆刪除好彩唔係踢入會...
刪除蝦麵堅正!
回覆刪除唔知幾時先有咖啡
刪除