Hana - 馬鞍山之花

食物：$$$$
環境：$$$$
服務：$$$$

不知不覺間，蒲Cafe已經成為了生活的一部份，在旅遊無望的日子，每星期總會走訪不同既咖啡室，嗒番杯醒神咖啡。

今次到訪既，係對筆者來說有點偏遠的馬鞍山，店名叫Hana。

馬鞍山呢個出晒名的飲食沙漠，竟出現一家人氣咖啡店，據聞假日要排隊等開門，我真係好想見識下。

店子原來來自坪洲，主打自家製的產品，包括手工麵條，難得山長水遠來到，一定要試試佢既意粉。

餐牌中有三款手工意粉的食品，與好友商議過後，鎖定了豬肉配雞肝醬手工意粉。

是頗粗身的麵條，手工製口感總與別不同，質地煙韌而充滿蛋香，採用本地豬肉吃得更放心，最緊要是加入雞肝醬，混埋芝士，香到一個點。

貝果與及英式鬆餅都是自家製，當然要試。原味的Scone，新鮮出爐，成品又是香噴噴，外微脆內鬆軟，好吃。就是Clotted Cream和醒胃的果占也是自家調製，味道出色，誠意滿滿，值得推薦。

由於原味的鬆餅合心，決定再來一件朱古力口味。非常濃郁的味道，唔會一叉就散開晒，同樣地，忌廉及拖肥醬也是自家做，尤其是後者，超讚！

拿鐵也合我心意，漂亮的拉花結合醇和的質感，不枉我遠道而來。

餐廳資料:
Hana
馬鞍山鞍祿街18號MOSTown新港城中心二期地下29-30號舖
56867806