侍元 - 平價求存

食物：$$$
環境：$$$
服務：$$$1/2 

如此市道，海之戀商場竟然有數間餐廳新開業，可能係之前簽落既租約，家陣去焗住上馬。

侍元是其中的新力軍，走經濟路線，一碗拉麵五十八個大洋，米飯有些更只是四十幾蚊，任憑你再加小食，一舊水樓下可以飽到上心口。

呢個價錢，咁既市道，應該會有人幫襯卦?!

先到收銀處點餐，拿個機仔，聽到BB響聲便可出去自取食物。

我點的是白武士拉麵，即九洲風味的豚骨湯頭。然而，當我見到那隻全熟既蛋的時候，已將期望降至零。再呷口湯，一如意料是有欠濃郁醇和。

說是九洲風，卻用上了粗身的捲曲拉麵，有點奇怪，這款麵條向來不是我杯茶，還幸佢仍算淥得爽口，沒梘水味。叉燒大片而薄身，看上去似粗嚡，吃起來還好。

加了廿蚊，有兩件炸雞，以及凍檸茶。炸雞起碼係即炸，夠熱夠脆，唯味道是咸了些少。

飲埋杯凍檸茶，前後逗留半個鐘有多，一個客人都沒有。

餐廳資料:
侍元
荃灣海之戀商場G32鋪