食物：$$$1/2
環境：$$$$
服務：$$$$
在沙田找個舒適的地方飲茶，並不是想像中般容易的事，筆者想起了Alva Hotel by Royal的逸軒。
其實之前還沒來過飲茶，只到訪過該酒店頂樓的日本餐廳源峰，食物與環境俱不俗，Omakase飽到你嘔。我諗，中菜廳的水準唔會相差太遠吧！
況且，不少食友曾經來過吃點心，評價也是正面。
限聚令仍然生效，每枱最多坐兩人，我倆被安進進佔六人大枱，非常寬敞。
劃了幾款點心，以及一隻香檳汁焗釀蟹蓋分吃。蟹蓋這個做法，自然香噴噴，用上的是松葉蟹，除了一絲絲蟹肉外，更勝在有唔少蟹羔，夾雜起來一齊吃，甘香美味。
有留意筆者文章的朋友大概知道，我飲茶必定要有蝦餃或燒賣，今趟柯打了後者。是黑魚籽燒賣，一籠只得三粒，但肥嘟嘟濃卜卜，咬落爽口，沒有投訴。
石榴餃外皮晶瑩，形狀靚仔，豐富的餡料若隱若現。大口咬下，沒有黏牙，紅菜頭、香菇、翠肉瓜等細緻，健康而不會犠牲味道。雞包仔質感軟熟，按板功不可沒，餡料味亦不錯，若可有點薑汁，會更合心意。
被恐龍大王咸水角的名字吸引，又點來一客。一如所料，是恐龍造型的出品，背脊插著幾片杏片，萌爆，個人覺得比大公館的豬仔咸水角更加可愛。質感相當鬆脆，唯餡料比較少，以火龍果造成的恐龍蛋亦不要浪費。
印象唔錯，下次可以來吃其招牌的片皮鴨壽司，即係宜蘭紅樓好出名嗰款呢！
咸水角好可愛呀！又，限二人一枱，但點心又全部單數，哈哈！
回覆刪除點心唔會再改份量喇, 好煩架~
刪除石榴餃同恐龍大王咸水角都好靚仔！
回覆刪除係呀! 好想試下佢既片皮鴨壽司
刪除