2020年8月13日 星期四

菠蘿仔食堂 - 菠蘿包有菠蘿


食物:$$$1/2
環境:$$$$
服務:$$$$

早前的文章才笑說菠蘿包沒有菠蘿,但今天的我要打倒昨天的我了,因為這家菠蘿仔食堂,其菠蘿包真的有菠蘿,撞鬼!

店子稱之為菠蘿仔食堂,實際上大部份菜色也不是以菠蘿入饌,或許只是想突顯菠蘿包這招牌美食已而。

Any肥,走進呢間死八婆食堂一試吧~

挑了午餐及波士餐大家分享,兩份都是有菠蘿入饌的。先是午餐的菠蘿咕嚕肉飯,數量蠻多的咕嚕肉,論肉質鬆化程度以及甜酸汁的平衡,可以收貨,至少比差不多價錢的茶記好吃,鮮菠蘿更加是吃得一粒不剩。

再說波士餐,係瑞士雞髀拼忌廉菠蘿包。雞髀肉質稱不上嫩滑,汁醬甜度亦稍嫌不足,可多放幾粒冰糖吧。

另一邊廂的忌廉菠蘿包,咬下去凍冰冰的,感覺打了折扣,還幸外層仍鬆脆,以及有粒粒的新鮮菠蘿作補償。若然可以叮翻熱個包,與忌廉做成冷熱交融的效果,肯定出色得多。

午餐的咕嚕肉有跟甜點,是日乃泡芙一粒,我沒有試了,好友說也可以接受。

世事無絕對,菠蘿包可以有菠蘿,老婆餅或許也會有老婆的可能?!

餐廳資料:
菠蘿仔食堂
荃灣大河道88號灣景廣場購物中心永旺灣景店地下G01號舖
91469154

4 則留言:

  1. 呢度有啲麵包舖會將塊鮮牛油預先夾喺菠蘿包入面黎賣,所以都只可以凍食,唔可以翻熱,否則渣都無。^^"

    回覆刪除
  2. 呢間死八婆在東涌時吃過外賣認真麻麻,不過堂食好似好味D唯咁喎!

    回覆刪除