食物：$$$$
環境：$$$$
服務：$$$$
心情麻麻，想食餐勁既，但... 吃什麼好呢?
忽然諗起去找阿翁，皆因食鮑魚花膠的日子，每每令人回想起香港輝煌時代。
費事傷腦筋，點套餐就好。$880/位，簡直係時光倒流價，十多年前掹車邊跟老闆來吃飯，都要呢個價位。
第一道名貴菜色，紅燒砂鍋包翅，一梳梳既牙揀浸在高湯之中，看得出的足料，吃時自行加點芽菜和金華火腿絲，增添口感和香氣。若你是不吃翅的話，也不愁沒有選擇，養顏又骨膠原豐富的高湯紅燒花膠，會合你口胃嗎?
侍者在每位面前擺放好刀叉，下一道菜正是33頭的皇冠吉品鮑。經典的招牌菜，腦海突然湧出當年大陸老闆對我說『小劉，乾呀！』的畫面，今天不再需要應酬老細，吃得自在多了。形狀似元寶的日本吉品，切下去是意料之內的吮刀，百分百的溏心，鮑魚味也一如以往的濃郁。鮑汁亦千萬不要浪費，以唐生菜來伴之，吃得一滴汁不剩。
砂鍋生炆斑頭腩，採用的是黃皮老虎。肉質緊緻而不失鮮味的出品，伴以冬菇、火腩、蔥段及蒜子，絕對是惹味的好東西，個人連炆得淋身入味的蒜子，也吞了兩粒，回味。
凡兩位起惠顧呢個套餐，更會奉送半隻富豪脆皮炸雞，或金牌脆皮乳鴿。我哋六個人，剛好可有一整隻脆皮雞。嚐過多次富豪的脆皮雞，沒一次會令人失望。始終是用上元朗的新鮮雞，做到真正的皮脆肉嫩，雞有雞味，不管你是喜歡吃髀位或是雞胸，也會一試愛上。
食埋隻一絕的脆皮雞，其實已經飽飽，但之後的迷你鮮蝦荷葉飯，香氣四溢，我也忍不住將之全清掉。
生磨杏汁燕窩乃足料到爆的出品，甚至是有點兒誇張，女生肯家大愛。嗜甜的朋友可自行加些少糖水，味道會更佳。
吃過清香的椰汁馬豆糕，以及鬆軟的欖仁馬拉糕後，大家要抱著肚子滿足地離開。
連續十年的米芝蓮一星，我想彪炳戰績大可延續。
只是，我們的家，風光還再嗎?
呢餐真係好勁喎，食完心情好啲嗎？
回覆刪除今朝有酒今朝醉啦
刪除哈哈最後這夜我都係留家食公仔麵！
回覆刪除無去沙田18咩?
刪除