2020年6月9日 星期二

Assaggio Trattoria Italiana - 靚景下的優惠晚餐


食物:$$$1/2
環境:$$$$
服務:$$$$

正如老友所講,在人心惶惶、看不到前景的日子,大家洗錢都唔會有以往咁鬆手,始終都要留番個錢,萬一日後移民走佬都要銀兩啦!

就算要洗,都諗過度過,找間性價比高的餐廳吧~

位處香港藝術中心的Assaggio Trattoria Italiana,家陣做緊快閃優惠,三道菜的晚餐$298/位,第二位更有半價。優惠做到本月三十號,會唔會extend? 不曉得。


咁既價錢,可在維港美景之下享用晚餐,呢個機會屬於我們,但到底大家應唔應該開心?


老友鬼鬼,頭盤、主菜,以至甜品,些牙食就好。頭盤竟有生蠔,還要是法國產地,忍唔住要選這個。家陣啲法國蠔個子都唔小,質感爽脆,味很鮮,滿意,是我太耐沒見生蠔的原因嗎?


另一份是個拼盤,布拉塔芝士跟多汁既蕃茄從來是好拍擋,巴馬火腿與哈密瓜更加是天作之合,龍蝦肉細嫩,沙律菜混入了黑醋,醒胃可口。

作為食肉獸,主食我挑了北美豬扒。帶骨的豬扒好厚身,賣相討好,肉質亦唔會太韌太粗嚡,連骨的位置尤其好吃,配上胡椒汁醬,不錯。墊底除了是細滑的薯茸外,還有些紅黃的燈籠椒及西蘭花,平衡一下健康。


老友記揀左香蒜蟹肉蛋麵,面頭的蔥絲及蟹肉外形,有幾分似中式的菜色。蛋麵質感很好,爽身彈牙,自家手造口感自然與別不同。


食力有限既我,歎埋件檸檬蛋糕及提拉米蘇後,很滿足了~


近排話題,總離不開移民... 唔係迫不得意,其實有邊個想走丫?!

在美麗的維港下,顯得感觸。


餐廳資料:
Assaggio Trattoria Italiana

4 則留言: