滑嘟嘟冰花燉蛋

食完飯口痕想吃甜品，有諗過出街食糖水，卻又唔想浪費一個口罩，索性係屋企自已動手製作簡易甜點。

有乜就整乜，然而家徙四璧的我，只剩下幾隻雞蛋。無緊要，雞蛋的可塑性實在高，我又有好煮意了！

是的，我打算做的，正是冰花燉蛋。材料非常簡單，只是雞蛋和冰糖。

先打雞蛋 (我整三碗，就用左三隻蛋)

開水煲滾冰糖 (約30g)，雞蛋與水既比例大約是1:2。待冰糖完全煮溶後，放涼備用。

將碗先蒸熱，目的是令溫度均勻一點，你可以唔攸呢個動作都得~

把已放涼的冰糖水與蛋液撈勻，再用茜將蛋液過濾，使其更細滑。

之後便可倒入碗入蒸煮，以中火約十二分鐘，再焗佢三兩分鐘，滑嘟嘟的冰花燉蛋便就大功告成。

又是一款冷熱皆宜的甜品。

小秘訣：

• 打蛋時不要『發』咁大力，空氣進了去就會唔滑

• 倒蛋液入碗內蒸時，將氣泡撇去，也可使成品更順滑