水門雞飯 - 忠於原著?!

食物：$$1/2

環境：$$$$

服務：$$$$

非常時期，相信大家都減少出外用膳。

我想提提善忘既朋友仔，千祈咪唔記得曾經支持過真。香港人既良心食肆，若然難得要出街食飯的話，大可選擇幫襯呢類店子。

這天，我就來了尖沙咀的水門雞飯，不知道跟曼谷的水準有何區別呢？ (泰國查實好難食！)

    

除左雞飯，其實佢仲有咖喱麵、泰式炒金邊粉等。然而首次來到，還是吃水門雞飯，應該最能測試到店家的真正水平。

隨海南雞飯送來的湯水，味精強勁得搶喉，跟我在曼谷喝到的一樣難搞 (可參考曼谷粉紅衫的雞飯)，呷兩匙便無奈要放棄，要杯泰式奶茶吧~

正當要放棄湯水之時，少飯的水門雞飯送上，時間剛剛好。賣相比預期中好，至少雞件不會甩皮甩骨。先試一件雞，肉質是嫩口，連皮吃尚可，比當地的雞肉要好。油飯則偏淡口，沾點辣豉油來彌補不足好了。

加十個大洋可要雞雜，如果唔食既話，係對唔住我自己，同埋隻雞囉。可惜，又是跟曼谷的出品一樣，完全無味，浪費了我的Quota。

泰式奶茶沒想像中的甜，但也不是我杯茶。

同當地出品一樣咁不合口胃，是忠於原著嗎？

筆者是支持良心食店，卻不是盲撐的人，做得不好，我照樣會批評。

餐廳資料:
水門雞飯
尖沙咀金馬倫道18號萬勤商業大廈地舖
23698128