雄記粉麵 - 最後一擊

食物：$$$$

環境：$$$

服務：$$$1/2

屹立荃灣三十載的雄記粉麵，三月底光榮結業。

我不肯定雄記唔玩既原因，但願只搵夠上岸，或退休享受人生，而不是與疫情有關。

無論如何，三月三十日之前，筆者要去見佢最後一面。

      

不論你吃河粉、米粉，抑或米線，都唔可以錯過呢度既辣醬。像有蒜茸、辣椒等材料在內的辣醬，香氣四溢，一小匙已辣勁十足。只是，今次再來，好像稀了些少，但同樣香辣俱備，依然喜歡。

春卷是鐵膽，再配一款其他的就好。先講朋友的春卷大腸米線，份量是會比河粉及米粉大，或許就是多了些芽菜鋪面。試了兩件大腸，不是中芯保留肥脂的邪惡版本，而係帶爽脆的口感。老友同時也大讚這米線的質感。

素來對米線興趣麻麻，河粉更合我口胃。本想要碗春卷牛筋河，怎料牛筋已售罄，唯有改要牛膀，還幸口感尚算粉嫩。外型像牛脷酥的春卷，是雄記的必吃招牌菜色。其實，南記亦有這款春卷，可是水準差九班。這兒的出品，金黃色水，肥嘟嘟夠飽滿，咬下去煙韌又富彈性，真心美味。

朋友上個禮拜來還可以外賣春卷回家慢慢歎，可是一個星期後，已經只能堂食。

大家要食既話，快手！

餐廳資料:

雄記粉麵

荃灣荃興徑17號C地下

24999722