Don Don Donki - 回家抗疫

疫情持續，就連懶到出汁既筆者也拿起鑊鏟，自煮一番。

話說是日跟老友交收完辣椒花椒，時間尚早，走去海之戀一帶睇睇有咩餸買番屋企。

我呢啲做事欠缺計劃既人，通常見到有咩靚就買左先再想點煮，而不是諗定食乜再有目標地去買。

　　　

喜知次最普遍既食法，毫無疑問是鹽燒，或者會做一夜干。然而在家自煮，還是香煎比較方便。

劏好魚灑點鹽，簡單煎香已經很好吃，畢竟Kinki本身就是好東西。

薑蔥桶蠔原是筆者的首本名曲，但手持日本蠔，又有別的想法，始終我都係貪新鮮，唔鍾意重複既人。

汆完水，煎香蠔肉，再加入以蠔油、豉油、糖及蒜茸打造而成既醬汁 (份量隨心，我不嬲覺得汁醬是接個人口味去調校)。

煮埋個西蘭花，將蠔放上面，感覺健康啲。

唔知道留在家抗疫的日子仲有幾耐，使唔使再繼續分享在家吃系列...

店鋪資料:
Don Don Donki
新界荃灣大河道100號海之戀商場2樓