豚王 - 今非昔比

食物：$$$

環境：$$$$

服務：$$$$

昔日的沙田新城市廣場，無論早午或晚，總是人流不絕，食肆間間爆滿，等位食飯是很自然的事。

今時唔同往日，家陣既新城市，死城一樣，任憑你去那家『人氣餐廳』，都可以直行直入，probably仲可以揀位。

豚王亦唔例外，是日到訪，連埋我們，共有五個客人。

       

探過熱、以消毒液搓手後，店員有禮地請我們內進，自己揀位都得。

點了翠王，要椰菜取代蔥花，叉燒則吃豬肩肉。實不相瞞，我是第一次試呢款口味。黃黃綠奴的湯色，加上大堆的芝士粉，賣相唔係幾吸引，且看是否實而不華之作？

以為加了蔬菜的底會比較清淡健康，實情完全相反，吃起來是滿滿芝士及羊奶之類的羶香，為重口味人士而設。幼身麵條我有咁硬要咁硬，總算爽口；豬肩肉當然比腩肉瘦，但肉質仍是鬆化。整體而言，試一次好了。

好友吃的豚王，沒特定要求，成品就是用上蔥花，叉燒同樣是豬肩肉。試了一口湯，有少許辣味，雖然辣度不強，但也嚐不到豬骨湯的濃郁，比起當年中環的豚王，差十萬八千里。

水準同股價一樣，下插。

我諗 ，以呢個質素，即使不是疫情，都唔會有太多人幫襯。

餐廳資料:
豚王
沙田沙田正街18號新城市廣場一期1樓167號舖
31891200