Duck & Waffle - 除夕夜

食物：$$$1/2

環境：$$$$

服務：$$$$

英國過江猛龍Duck & Waffle，月前在香港開設分店，選址IFC 一樓，沒有倫敦總店那居高臨下的氣勢，亦欠缺壯麗景觀，惟餐廳設計仍然很Chill。

除夕夜，與數位朋友前來拜訪兼迎接新一年。訂了七點，八點半要還枱，大時大節係咁架喇！

沒有A la Carte，硬食節日套餐，這點我們也很明白。

不過，無Duck & Waffle食喎！

         

頭盤是雞蛋，當然佢唔會hea到就咁烚熟隻蛋，cut開一半俾你。將蛋黃取出，混入咖喱醬是也。要讚的是咖喱的調味恰好，沒有過份的搶，而且質感幼滑，墊底的紫椰菜及紅蘿蔔絲等帶微酸，是醒胃的好開始。

第二道菜色，可揀大蝦或牛肉他他，大家分甘同味就好。虎蝦個子巨大，賣相得體，烤得香噴噴，吃起來肉質爽甜有彈性，加上微微的辣勁，是靚貨。底下的麵包烘得香脆，但整體感覺是有點乾。

牛肉他他有別於坊間很多的出品，沒刴得那麼幼細，而是帶有粗獷的味道。牛肉質素好，味鮮，撈埋鴨蛋黃吃蠻不錯。

主菜同樣是兩擇其一，分別是美國牛西冷，或者比目魚。都係果句，大家要不同的來些牙食。先講西冷，本身質素不俗，肉味很濃香，可惜我要求的Medium Rare，顯然過了火位。旁邊的薯茸稱不上細滑，勝在夠香，連埋黑松露片吃還好。另一配角的洋蔥，頂頭烤至焦糖化，內裡是偏生，個人麻麻地欣賞。

另一樣主菜比目魚，肉質較為結實，勝在魚皮烤得香脆，典型的英國佬做法。

甜品只得一款，無得選擇，係辣南瓜撻。撻皮無疑是鬆脆，餡係細滑，但辣度點到即止，要細心品嚐才能發現其蹤影。然而，這個濃香的南瓜撻，伴以一記牛奶雪糕，又幾合心，但非常飽肚。

散點的一杯Latte，意外地有水準！

結果下半場無乜客，店員亦沒有催促我們埋單，大家坐到九點半才離開。

祝大家新一年願望成真~

餐廳資料:

Duck & Waffle

中環港景街1號國際金融中心1樓1081號舖

22676338