食物：$$$1/2
環境：$$$1/2
服務：$$$1/2
難得一個週日，老豆擺工唔煮飯，齊齊出街食。
海之戀及如心一、二期的食肆不對老媽子胃口，輾轉下又回到荃灣廣場，不如試試悅私房菜。這間風評不俗的店子，我是從來沒見識過。
真不明白，落戶在人來人往的商場，不須預訂也可以直行直入，何以自稱私房菜呢？
撇開私唔私房，睇佢餐牌，有唔少五星級酒店中菜廳既名菜，我職業病發，開始打量這總廚的來頭。
冰鎮咕嚕肉是每枱都會點上的菜色，別緻的器皿，冰鎮再加上乾冰效果，還有火龍果、哈密瓜及士多啤梨等繽紛色彩既生果，確實吸睛。咕嚕肉個子有點過大，幸而仍是外脆內鬆化，咬落冰凍而嗰芯是熱，冷熱交融的效果，還是可以。然而個人始終較喜歡傳統的咕嚕肉，還必定要有菠蘿及青椒。
餐牌中竟發現玉帶梨香，馬上來一客。又是個子很大的出品，唧些沙律醬，感覺上不及幾間星級餐廳般仔細。帶子作了主導，跟蝦膠和梨子有點失衡。或許是我太天真，根本不應對這裡有過份高的期望，畢竟這裡不是龍景軒，也不是欣圖軒。
老豆話點個蜜汁脆鱔，但我完全感受不到鱔既蹤影，吃來吃去也是冬菇絲，我想是否來錯了？拿回餐牌再看，謎底終於解開，原來是素脆鱔，難怪。
幾款重味的東西後，來個菜蔬是必要的。炒菜或烚菜好像太單調，叫個頭湯海味雜菜煲去平衡下，懶健康似的。啖湯又係幾好。
生怕吃不飽，再來碟流金歲月炒麵，說穿了就是肉絲炒麵，只是把麵弄成球體而已。麵條鬆脆，芡汁沒有太厚太杰，不是單單賣弄花巧，還好。
不是頂級水準，但平均兩百幾蚊/位的收費，吃到如此菜色，收貨有餘了。
缺點是地方太細，頗為擠迫。
餐廳資料:
悅 私房菜
M2,鍾意傳統咕嚕肉多啲！
回覆刪除識嘢呀!
刪除古惑蜜汁脆鱔！
回覆刪除哈哈, 係呀!
刪除