食物：$$$1/2
環境：$$$$
服務：$$$$
近呢幾年，若然人在香港，都會與好友車媽媽一齊去歎個除夕午餐/下午茶，確實由年頭食到年尾。
今年，有超哥加入，更加盡興。
屹立又一城多年的Amaroni's，我其實好耐沒光顧過，但印象是正面的。最近，竟逆市擴充，在新世紀Moko開設分店，我們的年度最後下午茶，一於鐵定來這裡。
色彩斑斕的佈置，好搶眼，比起海之戀更容易令人一刻戀上，很適合節日慶祝，我想我們沒有揀錯地方。
係公司要搞埋啲手尾，請他們先吃，免得餓壞大家。
好在，佢哋肯叫住些少東西食住等，我到埗的時侯，見他們正在品嚐蕃茄醬蜆肉意大利幼麵，聽說水準還好。另一款的薄餅剛送到，簡簡單單，似乎幾吸引。長方形的出品，黑松露醬及芝士香氣四溢，薄餅本身質感蠻好，加上多汁的大啡菇及我中意既火箭菜，不錯吃的。
要留肚吃晚餐，點一件招牌的提拉米蘇就好。賣相仍是對辦的，質感軟滑帶濕潤，吃起來芝味偏重，反而咖啡香稍為薄弱，我其實也收貨，係較為飽肚左些少。
飲番杯咖啡，消唔消到滯呢？
再次祝願大家，今年勝舊年。
2020，再一齊分享更多精彩美食，齊上齊落。
餐廳資料:
Amaroni's
今年勝舊年x2兼身體健康！:)
回覆刪除齊上齊落！今年再吃去歎個最後午、下午茶餐！
回覆刪除