海外篇：屋台ともちゃん - 勝在有風味

食物：$$$1/2

環境：$$$

服務：$$$1/2

福岡最大特色之一，毫無疑問就是屋台。因此，即使行程有多緊湊，也必會留一餐去屋台食消夜，享受一下其風味。

中洲橋那珂川旁邊有唔少屋台，吃的東西不盡相同，天神也是據點。只怪自己事前沒做好功課，無既定目標，在云云選擇之中，隨意來到了ともちゃん。

要排隊的，十五分鐘左右吧，是可以接受的時間。

      

我當然明白，在屋台吃東西，唔會坐得好舒服，快快趣食完馬上離開，也是基本禮貌，去到那裡都唔應該阻住地球轉。

率先點來關東煮，大根是腍身但唔夠甜，魚板肯定合我心，蒟蒻和薯仔一定穩陣，竹輪 (唔好叫佢獅子狗)反而腍得有點過份，最好吃的始終是玉子，但整體嚟講，我覺得算不上人間美味。

再來兩份燒物，其中的燒豬肉蠻不錯，腩肉有肥有瘦，燒至燶邊，吃起來充滿脂香，佐以沙律醬，邪惡度倍升，卻有效中和那肥膩的感覺，有水準。

雞肉是燒得香口，可以調味太兇，有點過咸，送啤酒會比較合適。

只怪自已胃納太細，本想吃拉麵，卻無能為力。