食物：$$$$
環境：$$$$
服務：$$$$
氣溫驟降，大家紛紛說要吃些暖身的東西。有朋友立馬食煲仔飯，有人鍾愛羊腩煲，而筆者則選擇去食Shabu
Shabu。
當然不會是個半鐘任食的日式火鍋，我份人從來不是只追求量。
來到了大松日，雖然地點較為隔涉，但質素有保証，真正饞嘴既人係唔會介意遠近的。
說是吃Shabu
Shabu，其實套餐除了鍋物，還包括了先附、刺身、天婦羅、雜炊/烏冬，以及甜品的，十分豐富。
人齊可以開餐，先附係三小碟的組合。鱈魚白子呢家嘢不是人人接受到，不過我是喜歡的，細滑豐腴，入口溶化，鮮味盡在口腔內游走；大松菜拌日本炸豆腐，是清新怡人的好開始；鴨胸的味道非常濃郁，配少許芥末已足夠。
接著會有刺身。在吃刺身前，會配上杯楯野川的純米大吟釀，屬較甘味的清酒，所以容易入口，配刺身是合適的安排。
刺身內容有四樣，分別是薄切立魚、鰤魚、吞拿魚腩，同埋牡丹蝦。立魚薄得晶瑩，質感爽身，廚子加入小量黑松露醬去提升味道。鰤魚也相對爽口，粉色的吞拿魚肯定是最肥美，牡丹蝦細綿，鮮味十足。
再來是吃天婦羅，以一杯辛味的喜多屋純米大吟釀作應對。
天婦羅的水準很高，絕不是粉漿又厚、又油淋淋的出品。活車海老外脆內爽，蝦腳更加是炸透至超級鬆脆，簡單沾些少鹽已是極品。海鰻醮天婦羅汁，同樣精彩，其魚骨亦是十級鬆化，佐酒一流。蕃薯甜得根本不用沾任何汁醬來吃，好食到癲。
熱過身後，便是火鍋時候，昆布湯與辣味噌湯都要了，大家開心些牙。
唎酒師為我們挑的，是雪之茅舍，帶有果香的無過濾原酒，配火鍋肉類大概是很正路。
配料有牛和豬揀，都係果句，各一，大家分享。白金豚肉肉味濃郁，和牛是來自宮崎縣，級數A5，看其紋理也可知道，會是入口即溶的貨色。不過，真係幾漏的。
套餐可跟一碟野菜拼盤，懶健康一下。
又淥完肉，又滾完菜，結尾個雜炊肯定是精無所在，甜品無朋友。
簡單以青森縣既蘋果，以及靜岡蜜瓜來作結。日本既水果，點會唔甜唔好食先得架！
飽到水心口，要慢慢步行回地鐵站附近，搭巴士返歸。
餐廳資料:
大松日
食完呢餐有冇又心思思想去多轉日本呢? :)
回覆刪除無錢~
刪除暖粒粒！
回覆刪除