Fabrice 嚐味: DAMA - 好睇又好食既純素軟雪糕

2019年11月1日星期五

食物：$$$$

環境：$$$$

服務：$$$$

在這時勢下，Blog友海豚兒竟然從楓葉國回來渡假，雖然只得短短幾天，必定要找個機會見個面，食餐晏。

大家先去美麗華國金軒飲茶，之後移步到新商場K11 Musea連食兩場甜品，我哋都好耐無瘋狂過啦！

其中一場，是去近期打卡熱點的DAMA食雪糕，孤陋寡聞既筆者是首次見識這間素食雪糕專門店。

款式並不多，雪糕每天只得兩種口味，是日就有火龍果，以及芒果。

商議好，先來咸蛋黃心太軟，配火龍果雪糕。黃色跟紅色的配搭，幾靚的。據聞是用上80%的火龍果肉，所以味道是很天然，還有微微的果菁味，蠻不錯。底下的心太軟，做到流心效果，味道好似奶黃月餅。可是，我覺得這個心太軟，與雪糕其實並不合襯。

另外點了芒果雪糕，黃色雪糕跟黑色脆筒賣相肯定靚，如果是芒果火龍果鴛鴦的話，影出來必會更正。芒果的味道好重，正如大家所言，有如將冰凍的芒果干放入口，我好喜歡。

下次要試埋佢既竹炭可可椰子雪糕！

2019年11月1日 星期五