Cafe on the park - 爐端燒自助餐

食物：$$$1/2

環境：$$$$

服務：$$$$

無可否認，家陣酒店自助餐，係抵食左好多。

如皇家太平洋酒店呢期推出既爐端燒主題自助餐，只要提早一天在酒店官網訂座，便可享高達55折優惠。

      

爐端燒的食品，哪管是海鮮，抑或只是蔬菜，也是香口好吃。有理無理，先吃蟹腳和龍蝦，特別喜歡龍蝦，肉質爽口不韌，甘香多羔。另外，秋葵、意大利青瓜、粟米及甜薯等，筆者亦喜歡。

不過，說到最欣賞的，必定是燒牛舌。厚身，但不會韌，軟腍可口，還帶點點清酒香，要Encore。

糯米釀雞翼，以為只會在農圃等酒家嚐到，勢估唔到自助餐也能食得到，而且水準不俗。

燒飯糰，同埋火灸鵝肝壽司，香口好食，尤其是鵝肝壽司，懶理多邪惡都要將它消滅。再者，海膽和軟殼蟹手卷，紫菜脆卜卜，我吞下了兩件。

凡惠顧這主題的自助餐的客人，每位均可享一隻北海道毛蟹，蟹迷請留意。

熱食有好多，當中以和風為多數，吉列豬扒鬆脆，以自助餐水準計，贏晒。麵豉燴海鮮湯，是超級的足料。麵豉醬焗比目魚，是云云熱葷之中，我的至愛。

甜品陣容當然唔會弱，傳統的芝麻糊及豆腐花，經典的流心芝士撻，還有各式蛋糕，足以滿足筆者的甜胃。

即點即焗的疏乎厘，有黑芝麻和綠茶兩款口味，個人就喜歡前者多一些，貪佢夠香濃。

餐廳資料:

Cafe on the Park

尖沙咀廣東道33號皇家太平洋酒店園景翼2樓

27382322