Woobar - 抽離一下

食物：$$$1/2

環境：$$$$

服務：$$$$

我明，家陣呢個時勢，大家心情都唔慌好得去邊。

睇得多新聞、網上短片、訊息、Bababa...，係時候要抽離一下，否則真係人都癲。

於筆者而言，吃些甜食，是最有效的方法。因此，這日我約埋朋友去出名型格的W Hotel食個下午茶，讓自己真真正正休息一天。

　　　

跟許多酒店一樣，Woobar與其他品牌合作，攜手打造精美誘人的下午茶，而今期跟酒店拍檔的，正是法國殿堂級朱古力品牌Valrhona。不難想像，這tea set將會處處是優質朱古力的蹤影。

下午茶星期一做到星期七，但平日只有甜點供應，要到週六、日才有無限添加的咸點食。

咸點款式稱不上特別多，勝在樣樣精緻，如帶子他他配酸瓜，也加入了花瓣作點綴，好睇又好吃。吞拿魚他他配脆紫菜，辣勁十足。黑漆漆的迷你漢堡，我覺得幾型格的。另外，色澤繽紛的蔬菜，跟上鷹咀豆茸，幾清爽。

Afternoon Tea當然會跟上英式鬆餅，原味的配Clotted Cream及果醬一定穩陣，朱古力味就很切合這個主題。

甜點終於登場，10款不同形狀、味道和款式的甜品，非常誘人。當中最矚目的，我認為是黑漆漆的牛角酥。賣相型格，質地酥脆，魅力非凡。

像泰式椰汁糯米的一杯，查實裡頭係朱古力軟心蛋糕，用上了Caraibe 66%既黑朱古力，跟椰汁西米是意想不到的匹配。Manjari 64%的朱古力慕絲細滑而不太苦，與新鮮的芒果肉是最佳拍檔。柚子芝士蛋糕的清新，在這裡顯得十分突出。

還有其他如香橙朱古力馬德蓮，以及Opalys 33%白朱古力慕絲等，皆是很吸引。

不喝酒的朋友，挑了這款名為『可可狂熱』的Mocktail。而我，還是繼續歎番杯鮮奶咖啡吧！

每位惠顧這主題下午茶的食客，均可獲贈Valrhona的朱古力禮盒乙份，與家人朋友分享甜蜜。

餐廳資料:
Woobar
尖沙咀柯士甸道西1號港鐵九龍站香港W酒店6樓
37172222