2019年10月23日 星期三

國金軒 - 亂世中聚首一堂



食物:$$$$
環境:$$$$
服務:$$$$

感謝楓葉國的海豚兒,令我哋幾個老朋友可以聚首一堂,齊齊飲餐茶,再瘋狂掃甜品,已忘了多久沒如此放肆。

坦白講,大家雖都在香港,但各有各忙,真係好耐沒有見面。

第一站,先去飲茶。主角提及過想食雪山叉燒包,但原來香港已沒太多地方有此點心供應,商議過後,還是覺得國金軒最為合適。

家陣香港局勢動盪,為穩陣起見,醒目既甜魔媽媽分別訂了美麗華國金軒,以及IFC國金軒。
      


沒叫小菜,大家柯打一桌子的點心。由主角最想吃的雪山叉燒包開始。成品夠熱已贏了一半,外層薄而酥脆,叉燒鬆化而味道香甜,蠻不錯的。


喜歡香口東西既筆者,對荔芋角有所期望。炸得鬆脆不硬的外皮,餡料除了是細滑的芋頭茸外,還釀入了鵝肝醬,味道與層次更上一層樓,懶理佢有多邪惡。


個人總覺得,要有蝦餃和燒賣才像是飲茶。這裡的蝦餃,大大隻漲卜卜,仲有金萡作點綴,增添貴氣。蝦肉超多也鮮味,更合心是加入了筍尖。至於燒賣,粒粒飽滿企身,頂頭加片鮑魚,始終五星級酒店的出品就是要高貴些。


繼續一系列的蒸點,瑤柱鮮蝦菜苗餃,形狀同樣靚仔,透出餡料,感覺亦比較健康。


另一款係黑松露野菌餃,水晶皮晶瑩剔透,自是吸引。內含翠玉瓜及野菌,口感豐富,還散發出松露醬的幽香。


在珍珠雞入面放上原隻鮑魚,雖只是大連鮑,已令整件事顯得矜貴。


將泰式冬蔭公配以牛柏葉,效果出奇地好,要讚師傅的諗頭。永遠向前,永不停步的態度,才會有創新的出品帶給食客。


紫色的包包,應該好岩小朋友食。這籠黃金紫薯流沙包,搣開真有幾可觀的流心效果,就留給小晴晴細嚐吧!


還有太多太多的點心,不能盡錄。總之,大家也吃得傾得相當開心寫意。

能在亂世下相聚,更值得珍惜。

下次再見,香港會變成怎樣呢?

餐廳資料:
國金軒
尖沙咀彌敦道118號美麗華廣場The Mira Hong Kong 3樓
23155222

2 則留言:

  1. 再次多謝大家披荊斬棘、不辭勞苦出黎同我來一個亂世茶聚,有你地陪伴,每樣食物都超好味,更加多謝你地可以比我有呢個自隊一個雪山叉燒包嘅機會!

    回覆刪除
    回覆
    1. 多謝妳帶俾我地咁寶貴的回憶就真,真係好耐無咁樣掃街同行尖東海傍了!
      香港真係好靚,希望香港可以繼續保持依份美麗啦.......

      刪除