食物：$$$1/2
環境：$$$$
服務：$$$$
為你煮熱咖啡嗰個汪阿姐成功爭取番來既戲曲中心，筆者路經無數遍，每次也是過門而不入。
某天，好奇與老友車媽媽入去兜個圈，發現原來中心內有好幾間食肆，包括老牌潮州酒家百樂既分支、鼎爺同琪哥合作既燒味店，以及丫頭開設既台飲店等等。
今次我們所光顧的，叫遊園
·
茶記。
與其散點，不如來個二人餐，唔使傷腦筋。套餐有跟湯，岩晒平日缺乏湯水既我。要了檸檬鵝湯來滋潤下，偏淡口，至少不是味精掛帥。車媽媽的雪蓮子蟲草花燉竹絲雞，相比更為清甜。
可揀鹵水或燒味雙拼，店員推薦鹵水，就聽他吧！鵝肝粉嫩，吞下兩件，膽固醇爆標。鵝肉嫩滑，但店子開了沒多久，鹵水始未夠陳舊。
桂花脆生蠔個子巨大，色澤金黃，淋上桂花蜜是吸引。生蠔炸得鬆脆，可惜桂花蜜的香甜只停留在表層，生蠔本身亦欠底味，浪費了優質的桶蠔。
台山黃鳝煲仔飯，鳝已拆骨，爽脆之餘帶點煙韌感覺。米飯粒粒分明，夠熱夠香也入味，卻是油了一點。加之，飯是煮好才放入煲，所以欠缺飯焦。但總的說，這個飯是可以接受。
甜品的芝麻奶凍，好濃郁的芝麻味，質感卻更似布甸。反沙芋夠傳統，甜到一個點，芋頭本身都好香好靚，唔會太硬或過份粉嫩。
飲埋杯多年沒喝過的菠蘿冰，懷緬一下昔日美好既香港。
一切，是否已成過去？！
餐廳資料:
遊園。茶記
鵝肝真的不錯！
回覆刪除鵝肝睇落仲好厚身，正呀！
回覆刪除