2019年9月27日 星期五

Porterhouse - 食肉獸的星期二



食物:$$$1/2
環境:$$$$
服務:$$$$

筆者雖然無肉不歡,卻不是時常去鋸扒,可能每年就是一、兩次吧!畢竟我胃納太細,食半件已經飽左。

兩年前來過Porterhouse,吃的卻是期間限定的藝術餐單,印象還好,而且價錢實惠,成為了可encore的地方。

忽然扒癮起,即管試試這兒牛扒的水準會是如何!馬上致電訂座。
       


原來逢星期二的晚上,餐廳做緊個『Meat Me Tuesday』的推廣,豬牛羊雞,以及芝士和沙律,任食。


侍者是奉上麵包和沙律,這小碟的沙律菜,各式菜蔬如西芹、紅蘿蔔及椰菜花等是偏生的,咬落爽脆,醮點雞豆蓉來吃,感覺會無咁乾。


當然不會只得枱面上的沙律咁小家,外面的自助沙律吧,有十多款,任君選擇。

有我喜歡的火箭菜,加點薯仔、蕃茄,同埋大量的粟米粒,拼湊成一大碟的健康前菜,食完飽左一半。


芝士有軟有硬,初階者可試嚐溫和的,重口味既朋友,吃至『呵氣如蘭』的款式都仲有。


肉,尤其是牛扒,始終是焦點所在。看那嫩紅色澤,帶肥脂的出品,深知水準唔會差得去邊。識食梗係要件連骨位,肉嫩、甘香,好吃。


豬、羊和雞,請廚師幫忙各切一點給我。豬仍是很大的一片,是的,根本無可能切細,還幸肉質不會粗糙,皮是硬脆,但以我既食力,無辦法將之K.O. 。意大利羊鞍,有不同顏色的海鹽來伴之。


Side Dishes查實都可任點,不過吞下那麼多肉類之後,已飽到上心口,只能來一份薯條止止口癮。幸而,薯條夠香夠熱,沒有浪費Quota


甜品每人一份,同埋無得揀。鮮果沙律橘子北非小米配檸檬雪葩,清清味蕾也好。

$188,兩小時紅白酒、意大利Peroni啤酒、氣泡酒及兩款Cocktail任飲。加$288,則紅白酒、香檳、朝日啤酒和四款雞尾酒都可任砌。

餐廳資料:
Porterhouse

4 則留言: