Cafe (Hyatt) - 海膽、活龍蝦、即劏鮮魚

食物：$$$$

環境：$$$$

服務：$$$$

呢排又多了朋友問筆者推介哪裡的自助餐，我的心水來來去去那幾間，尖沙咀凱悅酒店必會佔上一席位，單是其活龍蝦已值得大家去試一趟。

活龍蝦以外，今期餐廳更以加拿大赤海膽為主題，仲有即劏鮮魚刺身，呢個組合放在Buffet桌上，實在教人難以抗拒。

    

胃納有限，嚐少許凍海鮮，如凍蟹、蟹腳、青口等，還是主力向『招牌』食品進發吧~

活生生的波士頓龍蝦，即叫即烚，再開邊。如此新鮮，肉質自然鮮嫩彈牙，絕不會韌，而且隻隻多羔，非常吸引，完全無得輸，就咁都已經好食。沾點海膽白酒忌廉汁，滋味倍增。

傳來噹噹響聲，是宰鮮魚的時間。原來一晚有三次，分別會劏平政魚、油甘，以及鱆紅。新鮮切起作刺身，那有不好吃的道理？！

然而，我更期待的，始終是海膽。海膽手卷與海膽軍艦，那入口即溶，鮮味爆發的感覺，只會教人停不了口。

由昆布及鰹魚湯蒸煮而成的蛋白，本已嫩滑可口，再加入海膽，妙不可言。飛魚子海膽炒飯，香口非常，不是飯筒的我也得吃上幾口。

邪惡的煎鵝肝，又是不可錯過的項目。

甜品方面，最矚目的莫過於是海膽雪糕配薑柚子，聽到噹噹響聲便出去搶吧！誓估不到細滑的雪糕與海膽會是如此匹配。

再吃幾件蛋糕、提拉米蘇、窩夫等， 統統有水準，飽足到一個點...

結果，當然是要以伯爵茶來消滯。

餐廳資料:
Cafe (Hyatt)
尖沙咀河內道18號香港尖沙咀凱悅酒店大堂樓層
37217700